Tanesco yapata bosi mpya

Bodi ya Wakurugenzi ya Shirika la Umeme Tanzania (TANESCO) imemteuwa Mhandisi William Geofrey Mhando kuwa Mkurugenzi mpya wa TANESCO. Uteuzi huo unaanza rasmi Juni 1, 2010.

Taarifa iliyotolewa jana (Jumanne) na Idara ya Mawasiliano ya Tanesco imeeleza kuwa Kabla ya uteuzi huo, Mhando alikuwa ni Meneja Mkuu Usambazaji umeme na Masoko katika shirika hilo.

Mhando anachukua nafasi ya aliyekuwa Mkurugenzi wa shirika hilo, Dr. Idris Rashid ambaye muda wake wa uongozi katika shirika hilo umemalizika.

Mhando aliajiriwa na TANESCO October 1987 kama Mhandisi wa umeme, ambapo baadaye alipandishwa na kuwa Mhandisi katika line za umeme.

Mwaka 1990 hadi 1992 aliteuliwa kuwa Meneja wa TANESCO mkoa wa Singida ambapo baadaye mwaka 1992 hadi 1994 alikuwa Meneja wa mkoa wa TANESCO mkoa wa Mbeya.

Vilevile alipandishwa cheo mwaka 1995 na kuwa Mkurugenzi wa Kanda ya Kusini Magharibi hadi mwaka 1999.

Aidha, Mhandisi Mhando ana elimu ya Shahada ya Uzamili (Masters) katika masuala ya umeme aliyoipata Havana Cuba mwaka 1987, vile vile ana elimu aliyoipata katika vyuo mbalimbali ndani na nje ya nchi.

Gari ya JK yabuma wakati wa msafara

Cruiser zilizokuwa zimembeba JK wakati wa ziara yake jumatatu jijini Dar zilibuma maeneo ya BP, Kilwa road(pichani juu) na maeneo ya Kimara, Morogoro road(pichani chini)... (picha kwa hisani ya mdau Michael Jamson)....soma habari zaidi hapo chini......

Gari la JK lazima ghafla barabarani
Tuesday, 25 May 2010 09:33
ZIARA ya Rais Jakaya Kikwete aliyoifanya jana mkoani Dar es Salaam ilipata mushkeli baada ya gari alilotumia kwenye msafara wake kuzimika ghafla mara mbili barabarani.

Gari hilo lilizimika kwa mara ya kwanza katika makutano ya barabara ya Morogoro na Mavurunza wilayani Kinondoni eneo la Kimara Mwisho majira ya saa 7:30 mchana ambako msafara wake ulisimama kwa dakika tatu.

Gari hilo lilizimika tena kama hatua 150 tu kutoka katika makutano hayo na ndipo rais akahamishiwa kwenye gari lingine lililokuwa kwenye msafara huo huku akiwa ananyeshewa mvua.

Tena majira ya saa 10:00 jioni msafara wake uliokuwa ukitokea Keko Toroli wilayani Temeke, ulikwama tena maeneo ya BP barabara ya Kilwa ambako gari hilo jipya nalo lilizimika ghafla.

Tukio hilo la kihistoria nchini, liliwapa wakati mgumu maafisa usalama ambao kila mara gari lilipokuwa limezimika, walishuka kwenye magari yao na kuondoa bendera na ngao.

Kusimama gafla kwa msafara wake eneo la Kimara, kulimlazimisha Waziri wa Maji na Umwagiliaji Profesa Mark Mwandosya kukimbilia eneo alilokuwapo rais huku umati wa watu uliokuwa umejibanza pembeni mwa barabara nao ukisogea karibu.

Ilimchukua takriban dakika mbili kwa maafisa wa usalama wa taifa kupata suluhu ya namna msafara huo utakavyoendelea kutokana na mkanganyiko wa gari ipi kati ya mbili zilizokuwa zinafanana aiangie rais.

Msafara huo uliendelea baada ya Rais Kikwete ambaye alikuwa amevaa shati la kitenge la mikono mirefu na akiwa analowa hasa miguuni kuhamishiwa katika gari jingine huku lile lililoharibika likiwa linasukumwa na umati wa watu hadi pembezoni mwa barabara.

Hata hivyo, baada ya dakika nane gari hilo aina ya Toyota Landcruiser VX V8 lililokuwa na rangi nyeusi, liliwaka baada ya dereva kujaribu kuliwasha kwa zaidi ya mara nne.

Kuzimika kwa gari lake eneo la PB kulifanya msafara wa rais usimame kwa takriban dakika kumi kabla ya kuendelea hadi Ikulu ambako alipumzika kwa muda na kuenda ukumbi wa Karimjee kufanya majumuisho ya ziara yake.

Source: http://mwananchi.co.tz

Hukumu ya Liyumba

Aliyekuwa Mkurugenzi wa Utawala na utumishi wa Benki Kuu ya Tanzania-BOT Amatus Liyumba akipanda basi la magereza tayari kuelekea lupango kutumikia hukumu ya miaka miwili jela baada ya mahakama ya hakimu mkazi kisutu kumpata na hatia ya kutumia vibaya madaraka yake.

Hapa wandugu, jamaa na marafiki wakisikitika baada ya hukumu .........

Liyumba akishauriana na jopo la mawakili wa upande wa utetezi mara baada ya hukumu kutolewa......

Liyumba aki-'riakt' baada ya hukumu kutolewa.....

Hapa ni wakati alipowasili kisutu....... maphotoo kwa hisani ya wadau Fidelis Felix na Venance Nestory......

Vifaru warejea bongo

Baadhi ya maafisa ya shirika la hifadhi za Taifa(TANAPA) na wawakilishi wa mashirika mbali mbali yasiyo ya kiserikali ambayo yanajihusisha na masuala ya uhifadhi, wakiwa wanapokea wanyama aina ya faru toka nchini Afrika ya kusini, jumla ya faru 6 kati ya 32 waliwasili mwishoni mwa wiki katika uwanja wa ndege wa Serengeti. Picha hii kwa hisani ya mdau Mussa Juma

Shule Girini eka yawaka moto

Baadhi ya wandugu wakiangalia majengo ya shule ya 'girini eka' yaliyochomeka.....

Hivi... hii hali inatokana na mgogoro ule wa wanafunzi na uongozi wa shule au ni viboko walivyochapwa madeni....? maswali mengi kuliko majibu...!!

Usiendeshe karibu na lori lilobeba kontena.... Isijekuwa Kama Kibamba

Lori lilobeba kontena likiwa limepiga chini katika makutano ya barabara......huko mamtoni(ila sio kwa aziz ali wala mtongani).....
Madereva mnatahadharishwa kutoendesha karibu na malori ya namna hii... hususan hapa kwetu bondo salidalama..... mengi ya makontena hayo huwa hayajafungwa ipasavyo..... hiii inanikumbusha ileee ajali ya kimara miaka iileeee.... kipanya (sio masoud) kilivyominjwa na kontena...... hebu endelea kuangalia hizo pix za chini......zimeorijineti toka fun&info@letalites.nets.............

Ajali nyingine majuu kama ya kibamba

Moja kati ya magari mawili yaliyoangukiwa na kontena lililokuwa limebebwa na lori......
Waokoaji wakitafuta mbinu ya kuwachomoa walionasa na wakati huo huo kuwapa huduma ya kwanza........
Hapa ni ka-kiganja tu kanaonekana......
Waokoaji wakimpa huduma ya kwanza moja ya wahanga wa ajali hiyo......
Picha hizi nimetumiwa ktk mail na mdau john mwaipopo... ila zinanesha onesha kama zimeorijineti toka fun&info@letalites.nets.............

Ajali ya Kibamba

Ingawa ajali haina kinga.... lakini hii ni nomaa mazee.....
Sijui tumlaumu Dereva....... au barabara...... au gari lenyewe......????

Chopper ya Chadema katika anga za Dom

Helikopta inayotumiwa na chadema katika operesheni sangara ikiwa katika anga za Dodoma... imekuwa ni kivutio kikubwa kwa wakazi wengi wa vitongoji.....

Chadema na Operesheni Sangara Dodoma

Helikopta ikiwasili maeneo ya Kibaigwa wilayani Kongwa...

Wakazi wa Kibaigwa wakiizunguka ....... wengine wanaishangaa... hawajawahi kuiona kwa karibu....

Mwenyekiti wa Chadema Freeman Mbowe akipokelewa kwa shangwe....

Mpiganaji Mbowe akimwaga sumu jukwaani......

Sumu zikiwaingia vyema wananchi hawa.......

Maadhimisho Siku ya Hali ya Hewa Duniani

Kaimu Mkurugenzi wa Manispaa ya Dodoma Beda Lagule akirusha pulizo ikiwa ni ishara ya maadhimisho ya Siku ya Hali ya Hewa Duniani yaliyofanyika kimkoa katika uwanja wa Ndege mjini Dodoma tarehe 23 March 2010.

Meneja wa Mamlaka ya Hali ya Hewa Mkoani Dodoma Gaetan Mwikeve akimwonyesha Bw. Beda Lagule baadhi ya vifaa vinavyotumika kupima hali ya hewa wakati wa maadhimisho ya Siku ya Hali ya Hewa Duniani yaliyofanyika kimkoa katika uwanja wa Ndege mjini Dodoma

Majukumu kusaidiana babu....

Wakazi wa Dodoma ambao haikufahamika mara moja uhusiano baina yao wakiwa wamebeba watoto wadogo katika hali inayoonyesha kusaidiana majukumu

Majukumu kusaidiana babu....

Dear Mama Musica Saundo kunguruma Dom

Wanamuziki wa Bendi mpya ya Muziki wa Dansi .... wenyewe mwaita masebene..... wakishangilia wakati wa utambulisho kabla ya uzinduzi rasmi utakaofanyika siku ya mkesha wa pasaka......

Waimbaji wakinengua sebene........

Hapo chacha...... Wakisakata mtindo wa 'Makaputura'

Mkurungezi Mkuu wa bendi hiyo.... Josephat Mwashinga akionyesha umahiri wa kucheza sebene wakati wa utambulisho bendi hiyo yenye maskani yake mjini Dodoma......

Hapa "mzee wa makaputura" akionyesha ufundi wa kuimba ingawaje yeye si mwimbaji wa bendi hiyo....... akisaidiwa vocal kwa mbali na rais wa bendi hiyo...Petit Makambo.... mwimbaji na mwanamuziki mkongwe wa siku mingi... toko DRC.....

Siku ya wanawake....

Wakinamama wakimsaidia msichana ambaye alizidiwa wakati wa sherehe za maadhimisho ya siku ya wanawake duniani yaliyofanyika kimkoa mjini Dodoma hivi karibuni.... Mwanamana akiwa na watoto wake wa kike wakifuatilia sherehe za maadhimisho ya siku ya wanawake duniani yaliyofanyika kimkoa mjini Dodoma.......

Mwanamke na Maendeleo

Mwanadada akizunguka katika mitaa ya mji wa Dodoma akitafuta wateja wa karanga huku akiwa na mwanae mgongoni......Ni Kweli "mwanamke na maendeleo tufanye kazi tusonge mbelee......"??

Mbinu mpya ua ukulima wa Zabibu

Mtaalam wa Kilimo cha Zabibu kutoka Afrika Kusini Dirk Bosman akionyesha mbinu mpya za ukulimwa wa zabibu wakati wa ziara ya mafunzo kwa wakulima wa zabibu katika kijiji cha Mpunguzi mjini Dodoma hivi karibuni. Kwa mbinu hizi mpya, mkuliwa anaweza kuvuna tani kati ya nane hadi 13 kwa ekari ikilinganishwa na tani za sasa tatu hadi tano kwa ekari...... Meneja Mkuu wa Kampuni ya Vinjwaji vikali vya Tanzania Distillers Limited (TDL) akiangalia zabibu zinazolimwa mkoani Dodoma. TDL inampango wa kufufua ao la zabibu mkoani Dodoma ambao hutoa takriban hectolitres 120,000 za malighafi inayotengenezewa Wine aina ya Overmeer pamoja na kinywaji kikali aina ya Value.....

Maadhimisho Wiki ya Nssf yaanza

Wanachama wa shirika la mfuko wa hifadhi ya jamii (NSSF) wakipata huduma katika ofisi ya mkoa wa Dodoma ikiwa sehemu ya ni maadhimisho ya wiki ya shirika hilo nchini kote.

Ngoja nikuandikishe ndugu...... uchukue kadi yako.....nawe uwe mwanachama....

Glaukoma yaleta upofu kimya kimya.....

Mkuu wa Wilaya ya Dodoma Mjini, John Tupa akimvisha miwani Kaundime Seleman wakati wa maadhimisho ya kimkoa ya siku ya Glaukoma Duniani mjini Dodoma hivi karibuni. Mkoani Dodoma pekee takriban watu kati ya 10,000 na 12,000 wamebainika kuugua ugonjwa huo ambapo kati ya hao wagonjwa kati ya 1,500 na 2,000 wamepata upofu kutokana na glaukoma.

Hapa Mkuu huyo wa Wilaya akipimwa uwezo wa jicho kuona taswira na mtaalam wa tiba za macho wakati wa maadhimisho hayo.....

Wajeda na mavituz yao

Huyo jamaa mkufunzi wa makaratee...yuko fit kinoma.... hapa kanivunjia nazi kwa ngumi... si mchezoo.... niliikagua nazi hiyo kuona kama ilikuwa na ufa kabla ya kupasuliwa.... sikuona kitu....

Wazee wakivuka vikwazo mbali mbali....

Si mchezo babake......